oOo مــافيــك حيــلــه يــا بن فطيــــس oOo

[Cartier]

http://up.eqla3.com/files/Pics/eqla3_com_1174155290.jpg

http://up.eqla3.com/files/Pics/eqla3_com_1174154082.jpg

http://up.eqla3.com/files/Pics/eqla3_com_1174156171.gif

http://up.eqla3.com/files/Pics/eqla3_com_1174155753.gif

http://up.eqla3.com/files/Pics/eqla3_com_1174155924.gif

http://up.eqla3.com/files/Pics/eqla3_com_1174155794.gif

حينمـــــــــا جلـــــــس بكـــــل شمــــــوخ وبإعــتــزاز .. وأخبــرنا بأنــه يتمنــى بأن يملك الصوت الجميل .. الذي يملكــه المتســابق الذي سبقــه .. وليصرح عن قنـــاعتـــه بأن صــوت المشـــاعــر أقـــوى من صـــوت الحنــاجـــر ..
مــا أجمل هذا التصــريــح وهذه الثقــه التــي تملــكــها يا مبدعنــا ..

وفي هذه اللحظــــه سمعنـــا أول الدرر .. عنــدمـــا قــــال ::
( ماني بمن ياتـي ولا يـدرَى بـه )
شطـر ٍٍ حفظتـه مـا اعَـرِف كتّابـه

شطـر ٍ يناسبـنـي لِمـثْـل اللّيـلـه
واشوفنـي فـي ذالمكـان أولَـى بـه

ابــا اتّـكِــل بالله ونـعْــمٍ بالله
اللـي مـا يوصِـد دون خَلْقـه بابـه

بـاقـول واللّجـنـه تقـيّـم قـولـي
ومـن كَثْـرة الشّعـار مانـي آبــه

الحمـدالله واثـق ٍ مــن روحــي
وان كِنْت ذيبٍ .. في الرّجـال ذْيابـه

ما اقول انا أشْعَر واحـد ٍ فـي العالـم
لكن قصيـدي كَفْـو وانـا ادْرى بَـه

الشّـعْـر جمّعـنـا لــو تْفَـرقّـنـا
حْـــدود وظـروفـنـا الـغـلاّبـه

الله يبيّـض وجْـه راعـي الفـكـره
عِـزّ الله انهـا تِنْحسـب لِحْسـابـه

والله يبيّـض وجْـه مـن يرعـاهـا
( محمـد ) الله يحفـظـه لاحبـابـه

( محمّد وَلَد زايـد ) عَريـب المَجْنـى
وَلِــيّ عَـهْـد الـدّيـره الخـلاّبـه

الشّـعْـر تـاريـخ ٍ لـنـا مِبْـطـي
واعْلامنـا يـوم السّنـيـن نْهـابـه

الشّعْـر بيـت ٍ والــوزن عِمْـدانـه
معنـاه طَـنْـب وْقافِيـتـه حْجـابـه

الشّعْـر واد ٍ فيـه صـيـدٍ واجــد
وكـل ٍ علـى الـوادي يِهِـجّ ركابـه

والافكار صيـد وكـل شاعِـر قانِـص
وكـل ً يـدسّـم شـاربـه مخـلابـه

أحد ٍ خياله ( حر ) وأحد ٍ ( وكـري )
وأحـد ٍ خيالـه ( كوبـج ٍ) بقطـابـه

وانــا خيـالـي كلّـمـا هـدّيـتـه
حَوّل على الوادي وصـاد ( عْقابـه )

شاركْـت أمثّـل ديرتـي ورْبـوعـي
وكـلّ ٍ يمـثّـل ديـرتـه واقْـرابَـه

والله الـــى الله راد والله قـالــه
إنّـي لا اسلّمْهـا الفَـخَـر وكْتـابـه

داري ( قطـر ) وانـا هنـا امثّلـهـا
المجـد مَطلـوبـي وانــا طَـلاّبـه

حتـى دَمـي مـن حبَـهـا عنّـابـي
وحماستـي مـن ضـوّهـا شبّـابـه

عهـد ٍ علـي ّ انّـي لا اجَمّـل داري
تـرّك صِـبـي ٍ مايِـعـزّ اتـرابـه

شاعـر خليجـي والعروبـه بيـتـي
والبيـت مـا ياقَـف بـدون اطْنابـه

وان عَـوّدت بيـن القبايـل فََـزْعـه
انا اشهد انْ لـي فـي اللّـوازم لابَـه

لي فـي القبايـل رَبـع .. وآقدّرهـم
مانـي بمـن يِجْهـل مقـام اصحابـه

وان عودّت لاصلي فانا اصْلي ( مرّي )
من صُلْب ( يام ) أهْل القَنا وِخْضابـه

قـوم ٍ لنـا فـوق المعالـي بـيـرَق
والسّيـف قـوّة سَلّـتـه بِنْصـابـه

الشّعْـر طوّقْـنـي وانــا طوّقْـتَـه
قمـت آتمشّـى بـه وافـكّ أبـوابـه

يابنـت ياللّـي تِفْرقـيـن بْـعـودِش
مـا الومـهـم لاكِـثْـروا الخَطّـابـه

لا مر بِـشْ دَرْبِـش علـى خَلـقْ الله
قالـوا كـذا .. بالإصْبَـع السّبـابـه

زينش يزينـه فِعْـل أبيـش وْجَـدّش
وانتـي بـدورِشْ للشّـرَفْ كَسّـابـه

قومـي تباهـي بـي وفلّـي راسِـشْ
عليـش مـن لِبْـس النّقـا جلبـابـه

وان ماسِتَرْتِـشْ بالفُعـول وباسْـمـي
فعّقبْـنـي الفِـنـجـال ياصَـبّـابـه

[Cartier]

أتـــت المــــــرحلـــــة الثـــــــانيـــــــة .. وهــــــي تتـــــــرقـــــــب بـــزوغ فجــــــر

http://up.eqla3.com/files/Pics/eqla3_com_1174155774.gif

ليطـــــــــرب مســـــامعنــــــــا بــدرره التــــــــاليـــــــه ... وكـانـت أولهــا في النصــح ..

وعنـــــــــــوانـهـــا ::

،؛، .. لا ضاقت الدنيـــا .. ،؛،

لا ضاقت الدنيا عليك وتشاويت ..
.. خلق الله اللي فالرخا كان واجد

ومن العرب والصوت والثوب مليت ..
.. وقامت عليك هموم بأقعا تراجد

فارفع يديك لخالقك لا توضيت ..
.. وادعو تراك أقرب إليا صرت ساجد

ووقت من أوقاتك للأوقات توقيت ..
.. وسجل لنفسك في المساجد تواجد

وأبشر بفزعة حامي الدين والبيت ..
.. إليا هجدك من الهواجيس هاجد

اللي يميت الحي ثم يحيي الميت ..
.. لرضاه شف كثر البشر بالمساجد

ثــم نقلنـــــــــا لــدرتــه التــاليــه في الغـــزل ...



،؛، .. يا قـــو قلــــبـــك .. ،؛،
ياقو قلبك على الصّـده ويـا صُــــــبـرك
وياوسع صدري على صدك ويا صُبري

وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري

والله لون حمل صبري فوقـك..ان تبرك
والله ولو تعتذر منـت بعلـى خــــــــبـري

ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري

تـــزعل وترجع وتـلقانـي عــــلـى خبـرك
وانا انكسر لك واجـــــيـك ادوّر لــجبـري

طـــيفك وذكــــراك طـيلـة غيبتـــك سبـرك
وشـــــوقي لشوفتك طيلة غيبتـك سبـري

امـــــحق وليف ومحبه والا اقــول ابـرك
حسبي عليك اعشقك وانت اتحفر قــبري


http://up.eqla3.com/files/Pics/eqla3_com_1174156193.gif


وختـــامهـــا درر شاعــرنــا كــانــت .. بنــت صــوغـــان التي توجتـــه لصعـــود منصـــة الشعــــــــر ..


،؛، .. شــاعر المليــــون .. ،؛،
في شاعر المليـون للشعـر مضمـار ... والسابقه في الشـوط تظهـر بيدهـا
ومضمريـن بكـار الافكـار شـعّـار ... وكل ٍ يحضـر بكرتـه فـي وعدهـا
والـي تـردت لا يـدور لهـا اعـذار... معـذورة ٍ مـا دام قـد ذا جهـدهـا
والي تعوص وتضرب الحاجـز يسـار... تشـل فـي الدنـه وترجـع بلـدهـا
وانا محضر بنـت صوغـان الافكـار... مـن حبهـا عنـدي تفحـم وحدهـا
ان جارها الله من صواديـف الاقـدار... جاتك وجـاك الجيـش كلـه بعدهـا
الله عليهـا مـن مقـاريـد الانـظـار... وصلت تحسـك مـا غشاهـا زبدهـا
وتلقفوهـا بالعلـم رمــز وشـعـار... وصفق لهـا منهـو بعينـه شهدهـا
ومرو بها تـو المنصـه كمـا الطـار... يالي تزعفرهـا مـن الطـاس زدهـا
شبهت بالهجـن الاصيـلات الاشعـار... وقصيدتـي تـراث اهلنـا مـددهـا
أعتز بـه واقـف لـه جـلال وكبـار... واحة شرف يا سعـد منهـو وردهـا
أغلا ابلنا في ماجب الضيـف والجـار... يحلـب لبنهـا قبـل يذبـح ولـدهـا
وتراثنـا مـن دونـه نبيـع الاعمـار... وبفعالنـا روس المعالـي صعـدهـا
واليوم ضاق الجو مـن كثـر الاقمـار... تبـث حقـد الـي لحقـده رصدهـا
غزى الشعر قبل امس غازين الافكـار... قوم ٍ على الساحـة دفعهـا حسدهـا
تلقفوها ثم جـاوا مـن كـل الاقطـار... هـذا يصبحهـا والاخــر هجـدهـا
هـذا يحـرف بـالأدب سـر وجهـار... وهذاك يذبـح موهبـه فـي مهدهـا
واقفوا على ابل الشعر في وقت الاسحار... غاروا على الساحة وعـروا جسدهـا
وصاحت بعد ما شافت ان سترها طـار... و وقف ولـد زايـد محمـد سعدهـا
قال ابشـري بالستـر وبـردة الثـار... واضفا عليهـا سترهـا مـا نشدهـا
واستـل سيـف ٍ فالمواجيـب بـتـار... واطلب ورد البل علـى مـن فقدهـا
على خطـى زايـد خطاويـه مـا بـار... والحاجه الـي فـي خيالـه وجدهـا
اغنى العرب من شوف اكاديمي ستـار... و من شوف امر من السخافات وادها
شفت الشعر بستـان وابوابـه ازهـار.... وقطفت ما يسكـن مشاعـر شهدهـا
قطفتهـا مـن ديـرة ٍ تنبـت احـرار... من دار ابـو مشعـل ذراي وسندهـا

[Cartier]

المــــــرحلـــة قبــــــل الأخيـــــــــرة الـتـــــــي أتــت كالطفــــــــل التـــــــائـــه الــذي يبحــــــــث عــن حنــــــــان وعطــــــــف أمـــــــــه .. فهــــــذه المــــــــرحلــــــــه كــــــانــت تمثـــــل الشعـــــــر الــذي يبحــــــث عن الحـــب والحنــان .. و عن من كــان سـبب وجــوده .. الــذي أبحــــــر كثيــراً خــــلال الأربعـــــة أشهـــر حتــى وجــد بــــــــن فطــــــــيـــس :


الــذي أخـــذ الشعــــــــر بكفيـــه .. و أروى عطشـــــــه بهذه الأحـــرف المــاسيـــه ..


،؛، .. مجاراة قطـري بن الفجـاءة .. ،؛،


أقول لها وقد طارت شعاعاً=من الشعارويحكِ لا تراعي

عليش الصبر والباقي على الله=وعلى التصويت ماللخوف داعي

ترى اللي كاتبه ربي بياتي=ولو ماسعى لحظي جاش ساعي

تحزمت بقصيدي والقبايل=وجاء شعري على الدفع الرباعي

انا في مركب الشعر الحقيقي=وجمهور الشعر حسبت شراعي

امامي لجنة كفواً باهلها=وعلى الشاشات لي جمهور واعي

ومادام ان ديرتي دار التميمي=فأنا ماظنتي يحجب شعاعي

تربينا على حب الطليعة=وندعس للوطن روس الأفاعي

نعيش لرفعته ونعيش لأجلة=ونموت لعزتة موتً جماعي

قطر داري ودار ابن الفجاءة=بلاد نبتها سيف ويراعي

ظهر ابن الفجاءة في زمانة=وانا(ابن فطيس)تظهرني ذراعي




،؛، .. كيـك وعســل .. ،؛،


بعض العرب حبة يوردك الجنون=ولا يوصف له غلاة حكاك له

مايقنعه وسط الغلا لو وش يكون=لو كل حرف بالحرير يحاك له

الموت جاك وهو تقلبة الضنون=ولا لك الا الصبر وش وداك له

ان قلت ضايق قال هونها تهون=مايدري ان ضيقتك له وبكاك له

تقعد تحبه وانت ساكت ومغبون=يمكن بيوم يقال له مااوفاك له

وكانك مشكك هم يمون او ما يمون=تخيل ان عفت الصبر فرقاك له

غلا ومن فوق الغلا ماهوب دون=حكاه سمعك يجبرك بأرخاك له

ودك تحطه في العيون من العيون=وتبسط على رمضا الثرى يمناك له

وتظله من الشمس في ظل الجفون=ولا يمر اذنه سوى لباك له

وتسج من غيره لو انهم يذكرون=ومنين ماسجت القدم ممشاك له

غرو يميله الترف ميل الغصون=غصنً ليان ومكرمه باسقاك له

جديله الى اقفى ستر منه المتون=كني بريحه لاألتفت لأدعاك له

كيك وعسل لكن ماهو في صحون=ودعاك من عين الحسود غطاك له

الله لايعطيه ناسً ينضلون=ويستر علية من النحل لا ياكله

الوصف والتعبير في وصفه يهون=غير اطلب الله يستجيب دعاك له

وعذال قلبك في محبته يهبون=سكينهم عن قطع حبله حاكله

ناس عن اعراض العرب مايعرضون=ودايم على نفس الشكل والشاكله

اللي من لحوم الاوادم ياكلون=وحلوقهم دفع البلاء متواكله

في سلمهم اولى بالاكل الاقربون=واطيبهم اللي صيدته شكواك له

عازمهم الشيطان للذنب ويجون=هذا يقطع له وذاك يواكله

ياجعلهم فدوة ثر الغض الفتون=اللي على الدرب الطويل خطاك له

طيفه الى نام البشر زارك بهون=وطيفك الى نام البشر سراك له

حبه دفان ومقبرة خضر الطعون=بين العظام العوج كنك ناكله

اللي كذا حبه لو تموت مغبون=ولا لك الا الصبر وش وداك له

[Cartier]

،؛، .. لقـــاء مميـــــــز لشــاعــرنا مع منتديــات آل العــرجـــــــاءا.. ،؛،

http://up.eqla3.com/files/Pics/eqla3_com_1174153726.jpg

فقد شرفنا وخصنا بعمل لقاء سريع معه عبر الهاتف

خلال تواجده في مدينة أبو ظبي المدينة التي تقام فيها مسابقة
: شاعرالمليون
و نظراً لضيق وقته فقد كانت أسئلتنا مختصرة وعلى وعد بعمل لقاء
أكبر وموسع معه
إن شاء الله

بعد إنتهاء مسابقة شاعر المليون والتي نأمل ونطمع أن
يكون هو في صدارتها

والحائز على لقب شاعر
المليون
:
:
:
البطاقة الشخصية:

الإسم : محمد حمد محمد فطيس المري
العمر: 27 عاماً
البلد : دولة قطر الشقيقة
:
نبذة
عن مسيرته ومشاركاته الشِعْريَّة
:
إنطلاقته الأولى في الساحة الشِعْريَّة كانت في 2001
له حضور و تواجد
فعال في المهرجانات والمناسبات منها:
مهرجان الدوحة الثقافي - قطر
مهرجان حائل- السعودية
مهرجان الخالدية - الأردن
معرض الصيد والفروسية بأبوظبي- الإمارات
مسابقة شاعر المليون - الإمارات
وكذلك العديد من الأمسيات


:
:
وبعد التعرف
على بطاقته الشخصية و مسيرته وبما أن الحدث الهام الآن هو مسابقة
شاعر المليون
: وضيفنا مشارك فيه فسوف تكون غالبيته الأسئلة حول هذه المسابقة
:
السؤال الأول

ماهي الرسالة التي تود أن توصلها لكل محبي محمد بن فطيس من خلال لقائنا هذا؟
أقدم لهم جزيل الشكر على دعمهم اللا محدود ووقفتهم
الكبيرة ومشاعرهم التي تصلني و إن لم يكن هناك
تواصل مباشر
وأتمنى أنني قد قدمت
أقدم مايرتقي لذائقتهم وظهرت بالصورة التي تليق بإنتظارهم لما
:
السؤال الثاني

ماهو إنطباع و مشاعر محمد بن فطيس بعد وصوله للمراحل النهائية ؟

سعيد جدا كوني أحد فرسان نهائي شاعر المليون
:
السؤال الثالث

ماهو تقييمك للجنة التحكيم في شاعر المليون وخصوصا في أخر حلقه؟
لو لم أثق بها وأحترم رأيها
وأقدرها لما وقفت أمامها
:
السؤال الرابع

ماذا أضافت مسابقة شاعر المليون لمحمد بن فطيس ؟

الكثير الكثير . . .
ومن ضمنها كوني هنا ضيفا بينكم في منتديات وشبكة آل العرجاء
:
السؤال الخامس

شاعر الإنسانية عبدالله عبيان اليامي خرج من المسابقة ،كلمة توجهها له ؟

أخى شاعر الإنسانية عبدالله
عيبان اليامي خرج من المسابقة ولكنه لم يخرج من القلوب
:
السؤال السابع

نود أن تختار لنا قصيدة من قصائد الوالد تود أن تهديها لمنتديات وشبكة آل العرجاء ؟

أقدم لكم إهداء رابط
ديوان والدي وأخي وصديقي
http://www.alnadawi.com/poems/poems....tion=view&id=7
:
السؤال الثامن

كلمة توجهها لمنتديات آل عرجاء لكونهم من الداعمين الرسميين لإبن عمهم محمد بن فطيس ؟
لا أستغرب هذه الوقفه
منهم وأشكرهم جزيل الشكر عليها ، متمنيا لملتقاهم هذا الإستمرار والرقي.
:
السؤال التاسع

قصيدة من قصائدك تهديها لمنتديات آل عرجاء ؟
أقدم إهداء
لجميع الأحبة قصيدة ( ماني من ياتي ولا يدرابه )
التي شاركت بها في مسابقة شاعرالمليون

http://up.eqla3.com/files/Pics/eqla3_com_1174155032.gif

السؤال العاشر

بعيدا عن مسابقة شاعر المليون ،ماهي هواية محمد بن فطيس؟

أهوي المقناص وركوب الخيل
:
السؤال الحادي عشر

هل من الممكن أن تخبرنا بمشاركات مستقبلية بعد شاعرالمليون ؟


سوف يتم ترتيب المشاركات الجديدة بعد الإنتهاء من مسابقة شاعر المليون إن شاء الله

ملاحضه:هذا الجزء منقول من منتديات آل العــرجـــــــاءا

[Cartier]

هنـــاك العــديـد من الــدرر التــي يتــوجـــب علينـــا قراءتهــا للتمعــن بإبـــداع الــشـــاعــــر :

http://up.eqla3.com/files/Pics/eqla3_com_1174155774.gif

،؛، .. البـــــــــارحـــــــــه .. ،؛،
البارحـه ربـي كتبـلـي ومـرّيـت
درب عليـه بـروق الاحبـاب لاحـت
جيت المكان اللـي جمعنـا وخفّيـت
وقامت جروحي للجـوارح وصاحـت
ياليتنـي فـي لفّـة الـدرب زلّـيـت
كان العيون من الدمـوع استراحـت
ألتَمّ غيـم الدمـع مـن يـوم لفيّـت
ووَرْق القصيد لشوفـة الغيـم ناحـت
وضحكت ماابغا الناس تدري يا بلفيـت
لكنها غصب(ن) عن العيـن ساحـت
حارت دموعي في عيونـي وصدّيـت
وأرمشت ابيها ما تبيـن .. وطاحـت
وعقبه برق في العين برّاق وأسقيـت
خـدّي وونَّاتـي بصـدري تـلاحـت
وانا احسبنّـي فـي فراقـك تعافيـت
وان عبرتي من مدخل الـزاد زاحـت
اللي يحسب اني عـن البعـد سجّيـت
والا ان عيونـي للرقـاد استبـحـات
ياليتنـي مـن قبـل لا احبـه اقفيـت
والا ان دروبي عـن دروبـه تناحـت
اهون علـي مـن البكـا والتناهيـت
واشلى من سدود(ن) على الناس باحت
عرفت كيف الحي يفرق عـن المِيـت
وعرفت قيمـة نعمتـي يـوم راحـت
قولولـه انـي عقـب بعـده تدانيـت
ورجلي عن دروب المعافيـن شاحـت
البعد نـار وطاعـت العـذل كبريـت
يقصر على بعده .. ترى الكبد فاحـت

http://up.eqla3.com/files/Pics/eqla3_com_1174156193.gif

،؛، .. العقــــاب .. ،؛،

يالعقاب اللي على المشراف وسع لـي ترانـي
ضايق (ن) من عاما الاول وادهله قبلك وادلـه

يوم ربي قد كساك بريش وش لك فـي مكانـي
ماتخـاف مـن العقوبـه يـوم تاتيـه وتحلـه

دام لك جنحان وش تبقـي بمشـراف البيانـي
خل مشراف الفقيـر اللـي بـلا جنحـان خلـه

ذا مكاني يوم رمح الغـدر مـن حـره زوانـي
ما لختالـي علـي حجـه وانـا سلـه ودلـه

وهو على ماقيـل شماعـة همومـي لابلانـي
صاحب(ن) ياكل يديه وهو على مذهـب وملـه

وهو ملاذي عقب خالقنا جميـع الـى ضوانـي
ظيقـة فالصـدر ولا جاتنـي للـدمـع خـلـه

لابديته ماحسـد راع التـرف واهـل المبانـي
يحسبون ان فرقهـم واضـح علـي واقـول لله

سجة في راس مشرافي وانا اغطرف الاغانـي
والله انها في عيوني عـن ميـة فنـدق وفلـه

فيه احس اني على احسن حال واني شخص ثاني
واتحلـل مـن حـرام الهـم لاجينـه واحلـه

وذا مكاني عقب ماصبري على كبـدي كوانـي
والله ان كني عقب فرقـاه بيـن كفـوف ملـه

واحد(ن) زله حشاي ومسكنـه بيـن المحانـي
مسكنه بيـن المحانـي والحشـا والصدرزلـه

قلتها له قبل لا وقتـي علـى الشعـر يحدانـي
خايـف مالله يتمـم واعـرف ان فـلان علـه

قال خل اشكوكك اللي تتـرك الـراوي ظمانـي
مايصيبك في جبينـك مـن خلقـك الله تشلـه

قلت ذا والله بلاي واشـوف وش مـدة زمانـي
لايكون اللي كتب لي (فارقه مـن غيـر زلـه)

لا تضيق مـن التشـاؤم واحتمـالات الأنانـي
خايف(ن) اشرب بعد كاس النصر كاس المذلـه

قال وش تبغي بحكي الحـزن والدنيـا فهانـي
لاتعيشنـا زمـان الحـزن قبـل يحـل حـلـه

قلت ماتـدري وانـا الـداري بعاقبـة التمانـي
غير عاهدني وريحنـي واشـل الحـزن كلـه

قال شفت الموت لو بيدي ماهو كفـو لخذانـي
بس لاتشره علي لـو لبسونـي غصـب حلـه

قلت اجل وانا وفاي من الجدي حتـى اليمانـي
مرتضـي غيـرك ولااظنـه ولاظـنـي لابالله

قال اجل سلم على روحـك وانـا كلـي تهانـي
يوم عرسـك والله ان اهـل مجدولـي وافلـه

وراحت اسنين التلاقي مشيهـا مشـي الثوانـي
مادرى عـن حبنـا الا ظـل محبوبـه وظلـه

غير حـول يالعقـاب وخـل مشرافـي ترانـي
ظايق(ن) من عاما الاول وادهله قبلـك وادلـه

قلتها ماقصـدي انـه يقـال صـح الله لسانـي
قلتهـا لعيـون مـن سبـب كتابتهـا لعـلـه

http://up.eqla3.com/files/Pics/eqla3_com_1174156193.gif

،؛، .. الـلــه يجـــازيك .. ،؛،

الله يجـازي مـن يسـوّي سـواتـك
وبذنووب من سـوّا سواتـك يجازيـك
مشيـت درب الثقـل وتحـب ذاتــك
ماتـدري انـه للمهـالـك يـوديـك؟
وغرّك جمالك...يـا خسـارة حلاتـك
ماتدري ان ماغيـر طبعـك يحليـك؟
بتقـول زينـك يشـفـع لسيئـاتـك
الحسن ماهو عن وفا الحـب يعفيـك
لو التواضـع والوفـا مـن سماتـك
بعت الحبايب كلهـم ..دين..واشريـك
لكن عجـزت اغيـرك ..يـا جراتـك
على الغياب اللي بـلا عـذر ينجيـك
خطاي....في توضيح وشـي غلاتـك
وخطاك....في توضيح وشـو تغليـك
مافـاتـك التجريح...والعذر..فـاتـك
وتبغي رضاي الحين!! ماعـاد يمديـك
صحيح احبك .. بـس هـذي جزاتـك
باعلمـك درس ٍ يفـيـدك ويحيـيـك
تدري وش ابيض من خفوقـك عباتـك
وتدري وش اللي غرني؟؟...نظرتي فيك
ادري بتستغرب..تصّـبـر وجـاتــك
قصيـدة ٍ مـن واحـد ٍ كـان يبغيـك
وتبغي تناظر وانـت عايـش مماتـك
شف وحدتك والناس تجلـس حواليـك
وتبغي تشوف اشجع رجل في حياتـك
شفني وانا راحل على كثر مـا اغليـك


http://up.eqla3.com/files/Pics/eqla3_com_1174156193.gif

،؛، .. غيــبـتـــك .. ،؛،

غيبتك لـو هـي دقيقـه تعتبرصـدّه
الوقت دونك سجن وغيابـك اسياجـه
لا تعتذر لي ترى ماعـاد فـي شـدّه
اعيد حكي ٍ يكـود الصـدر مخراجـه
دامه يوصـف بجـود ابيـك وبجـدّه
وشلون تبخل على المجروح بعلاجـه
ووشلون قـاوااك قلبـك رده وصـدّه
مع انه بيّن عليه الضعـف والحاجـه
ياقـو قلبـك بــرد ايميـنـك وردّه
بخلت بمصافحـه وارهيـت بحراجـه
لو ماسقى غيم عينه جرهـدي خـدّه
تراه يبكـي وقلبـه يلحـق اخلاجـه
ولو شفته يمازحك تـراه مـن جـدّه
الضحك عن درب ضيق الصدر ماعاجه
غير الغلا والوله عليـك وش حـدّه؟
يـادرب ليلـه ويامسـراه وسراجـه
كنّه يعرفك قبـل يلقـاك مـن مـدّه
مع ان مابينـك ومـا بينـه امواجـه
هواك بـدو ٍ نـووا للقلـب بالشـدّه
ورياض قلبي لشوف البـدو محتاجـه
والوصل..بحر ٍ متى انت بتسمح ابمدّه
السيف صبري وبحرك شح بامواجـه
قصيدي اللـي قريتـه واللـي اعـدّه
قديـم لا يزعلـك معنـاه واخراجـه
وفراغ قلبي غلاك ارهى علـى سـدّه
ليتك تشوف الغلا وابراجـه وعاجـه
اقوى رياح العـذل مـا تقـدر تهـدّه
والا الجفا لـو تنفـس هـدم ابراجـه
تغانـم الوصـل لـن البعـد لابــدّه
ياتيك في يوم ثـم ياخـذك بادراجـه
اللي لي انـك تليـن وتتـرك الشـدّه
واللي لك اني ما سولف بك لهراجـه
ولاني بزعلان واللـي نرتجـي مـدّه
يا باب قلبـي ويـا قفلـه ومزلاجـه
زعلة تغلي ومن تزعلـه مـن قـدّه
ما دام كـل ٍ يبـي دربـك ومنهاجـه
غالي وتبخل علـي وتطّـول الصـدّه
الله يسامح غـلاك ويلعـن الحاجـه

http://up.eqla3.com/files/Pics/eqla3_com_1174156193.gif

،؛، .. الحب والأحــلام .. ،؛،
الحب مثل النوم .. والوصل .. الاحلام
والشيين من الاحلام..صـد المحبييـن
نوم ٍ طويل ٍ عمره اشهـوور واعـواام
وان قمت.. ففهمها فرااق وسهر عيـن
وانا رقدت وعمري اربع عشـر عـام
وصحيت في شهر اربعه عام الالفيـن
نـوم ٍ ثقيـل ٍ كلـه احـلام واوهـاام
ونصيبي من احلامـه الجانـب الشيـن
صحّى الفرااق اقلوب في عكسه..نيـام
وغاب الفرح وانا بعكسه الـى اللحيـن
ياحزن كبدي حزن من ضاق ثـم حـام
اخذت فروخه مـادرى ليـه ولويـن؟
بعد ما شاف العـش عيـدان وعظـام
خاالي..تفكر فووق ويسـاار.. ويميـن
خلا عشاها فيه ومـن الوطـى شـاام
زبن علـى روحـه وفـل الجناحيـن
وياوجد حالي وجد مـن نـام ثـم قـام
على صياح امـه وهـو دون رجليـن
عويـق وامـه تنعتـه والنعـت سـام
وهو خابر انه يقسـم الصـف صفيـن
حبا وصاح بصيحـة ٍ تاصـل الشـام
منهـا تقطّـع فـي خفوقـه شراييـن
على وليـف ٍ قسـم اظنونـي اقسـام
واقفى وانا ما اعـرف طـرد المقفيـن
راح وترك في صدري ووسووم واعلام
وصـى علـي طيفـه وقفـى بقلبيـن
ليتـه تعـذّر كـان مـاهـو بـمّـلام
بعد ماشـااف الـدرب بيسيـر دربيـن
اشوى عليه شوي..مـن عـظ الابهـام
واشوى علي شوي..من دمعـة البيـن
تمشـي بنـا الاقـدام والمـوت قـدام
وميعادنـا يمفـرق اثنـيـن بعـديـن
ياعيـن لا تبكـيـن وعيـونـه تـنـام
عادش الى ما خـاب ظنـي بترضيـن
لـو الدمـوع اتفيـد فـادن الايـتـام
ولـو الكـلام يفيـد عـادت فلسطيـن
ولـو النبـاات يطّلعـه دمعـة هيـام؟
شفتوا علـى وجهـي ورود وبساتيـن
الحب سجن..وبعد الاحبـاب الاعـدام
وقلوبنـا السجّـان مـدري مساجـيـن
الحب نوم ٍ عمـره اشهـوور واعـوام
وان قمت ففهمها فرااق وسهـر عيـن


http://up.eqla3.com/files/Pics/eqla3_com_1174156193.gif

،؛، .. ميـــة عـــام .. ،؛،

عقبال ياماخذ فـؤادي ميـة عـام
ضيعتني منك وانـا مـا اهتديتـك

لا ..ما نسيتك كيف بانساك مـا دام
ذكرى الفراق تهزني لـو نسيتـك

حبك قدر وانا على ديـن الاسـلام
مكتوب في وجه الجبين ورضيتـك

لك في الضمير الود والحشمه اتوام
ولي في ضميرك مثل ما انا بغيتـك

ولك منزلٍ في نايف القلـب وخيـام
وذود الغـلا ترعـاه ولا شكيـتـك

يفطر عليك القلب وان فارقك صـام
والله لونك شـوك سـدره كليتـك

القلب طيرٍ لادعـي للهـوى حـام
والا انت وكره من كثـر ماهويتـك

كن العيون من النظر عقبـك ايتـام
وكني ماريت الا انت من يوم ريتك

وكنك معي وانا فقدتك مـن اعـوام
مـع الخيـال القـاك كنـي لقيتـك

من صعب وصلك ما تهنيتك احـلام
وان جابتك فزيت شـوق ومحيتـك

يعني وصالك صعب واهدافي اوهـام
يعنـي زرعتـك للقـدر ماجنيتـك

صبرك يقولون العرب كـل الايـام
يوم عليـك ويـوم لاجـاك جيتـك

ويا قلب ياللي ورثك اجـروح وآلام
بليتنـي ماهـو بانـا اللـي بليتـك

ولعتني من عادني في الهوى خـام
واسرفت بي وانا خطامـك عطيتـك

طعتك وزبدة طاعتـك هـم وهيـام
مالله كتب لي واستخرت وعصيتـك

لوللقلـوب اسـواق بايـع وسـوام
لاابدلـك وان جيتنـي ماشريـتـك

والا انت ياللي جيش عينيك مقـدام
لا اقنعت منـك والرجـا مارجيتـك

كني سجين بين..افـراج ..واعـدام
وكنك سجن وانـا بنفسـي بنيتـك

تنبيك عن حالي محاصيـل الالهـام
وتخبرك نظراتـي نهـار التقيتـك

عقب الوصال اللي على عين من لام
قدهو يكفيني عن الوصـل صيتـك

وقدني الى مريت بالشـارع العـام
لديت من ما في الضميـر ودعيتـك

ادري ان صوتي ماقطع عشرة اقدام
وادري بي اعود الى مـن نصيتـك

ياشينهـا يامحنـيٍ راس الابـهـام
ماقدر على شوفك وانا عنـد بيتـك

الاعمار ما تضمن وانا اخاف الاحكام
ارثيك خـاف اودعـك مـا رثيتـك


http://up.eqla3.com/files/Pics/eqla3_com_1174156193.gif


،؛، .. الضــيـقـــــــــه .. ،؛،

الضيقه اللـي دايمـاً تالـي عصيـر وش حيلتـي واردّهــا لا تجيـنـي
لاطال ظل العود حزة عشـى الطيـر كنها علـى سجـن الحديـد تحدينـي
يضيق صدري كل ما جـات واسيـر ولا يخفـف سـوج رجلـي حنينـي
لاحولنا مشـراف ولا اقـدر اطيـر يالله قسـمـة خـيـر لا تبتلـيـنـي
وعقارب الساعه توقف عـن السيـر ولاكن في الدوحه سواتـي حزينـي
والعبره اللي تاصـل الحلـق وتحيـر ياقربها لـو قيـل لـي ( ياعوينـي)
امل شـوف النـاس وردّ ومصاديـر واللي يقـول اشفيـك كنـه يهجينـي
يعني على ماقيل مـن بـاب تصويـر ( لحد ٍ ابي قربـه ولا احـد ٍ يبينـي)
اروح ادوّر( خط) ما بـه( دواويـر) وادوّر الـلـي هـادهـا تهـديـنـي
واخذ مع الهاجـوس سجـه وتفكيـر واراجع اللـي فـات بينـي وبينـي
واحسّـب ذنـوبـي وادوّر لتكفـيـر وعسـاي ماقصـرت فـي والدينـي
وعساي ماقارنت مـن ينفـخ الكيـر واللي يحمل المسـك جعلـه قرينـي
ويطري علي يوم الحشر واطلب مجير ما اعطى كتابي فـي شقيقـة يمينـي
ويطري على صدقان كثـر الدنانيـر اللـي تعادينـي الـى كثـر ديـنـي
وراع الهروج اللي سوات المناشيـر اصـد عنـه وادري انـه يعنيـنـي
الله حسيبه يـوم عـرض القواريـر والله حسبي مـن صـواب ٍ مكينـي
والى طرالي واحـد ٍ كانـه صغيـر امـا اصغـر بيوميـن ولا سنيـنـي
دريت وش قومـي وعينـت تفسيـر للضيقه اللـي مـن زمـن تعترينـي
حبه بصدري سالفة سـر فـي بيـر وكـن الفـواد يقـول هـذا زبينـي
اشفق على علم ٍ يجي منه مـن غيـر مايسمع اللـي سولفـوا بـه ونينـي
العام اجيهم مـن حسـاب المساييـر واليوم حـال عـداي وينـه ووينـي
ياكثرهم غيـره ولكـن خبـر خيـر ماغير شوفه فـي الوجـود يهنينـي
رايـي كـذا ياعاشقـيـن الغنـاديـر ماله علـى وجـه البسيطـه وزينـي
خطاي تعليـق الامـل فـي المدابيـر إليـن راح وشفـت حقـري بعينـي
صبر جميـل وخابـر انهـا مقاديـر والله على تخفيـف حزنـي عوينـي
ذي حالتي لين اتغبا الشمس واصيـر معطى صراحي عقب ما انا سجينـي
والى امتلا جوف الشجر بالعصافيـر طلبـت مـن رب العبـاد يهديـنـي
يعتقني المذن عقـب ضيقـة عصيـر اللي علـى سجـن الفـراق تحدينـي

http://up.eqla3.com/files/Pics/eqla3_com_1174156193.gif


،؛، .. ســولفـــــوا .. ،؛،

سولفوا تكفون لا عاد تسكتون ..
.. قبل لا أهوجس وياتيني بلاي

السكات يزود طعوني طعون ..
.. وتنكسر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح .. وجاي

واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
.. مرةٍ قدامي ومرة وراي

وإن سكتوا جا وهو طيفه يمون ..
.. رحت أهوجس له وأبين له ولاي

مكسب عيوني من الفرقا مزووون ..
.. تمطر لطاريه .. والبرق ؟ أصدقاي

كل ما طروه لو هم يمزحون ..
.. احرموني من غداي ومن عشاي

أدري إنه ما تناسى الود كون ..
.. تسمع إذنه في قفاي اللسن عداي

وكانهم قالوا نسيته يكذبون ..
.. وإلا أنا فيه أمتلك نظرة وراي

كان حبه لي على خبري مصون ..
.. والله ان كني بقدري .. وبغلاي

ذي بقايا الحب وأطلال الجنون ..
.. والله أعلم في ضميره وش بقاي

غير طيعوني ولا عاد تسكتون ..
.. ولا والله إن أسمعكم بكاااي


http://up.eqla3.com/files/Pics/eqla3_com_1174156193.gif


،؛، .. يــوم المـــــزايـــن .. ،؛،

من لابتي مّره الى جـدي افطيـس ..
.. ربعي مطوّعة الصعـب بالصمايـل

ناموس ياللـي تكسبـون النواميـس ..
.. ياهـل العلـوم الغانمـه والجمايـل

اهل السموت وفي الملاقا فواعيـس ..
.. يقطعـك يـاهـرجٍ بلـيـا دلايــل

انتو خيارينٍ علـى الخيـل فريّـس ..
.. اسـمٍ ينومـس بيـن كـل القبايـل

يامقلّطينٍ شـذرة السيـف والكيـس ..
.. قد قالها ابن حميـد ضمـن المثايـل

منصا الرجال اللي على ضمّر العيس ..
.. وفالحرب نطّاحة شبـا كـل عايـل

هواجـرٍ لاجـات قدهـي مقاويـس ..
.. ركب الضيوف امن السرا والقوايـل

تنصـا ربـاع امتعّبيـن المحاميـس ..
.. مروين حـد المرهفـات الصقايـل

يردون غصباً والعـزاوي متاريـس ..
.. لاجـا نهـارٍ فيـه عـدلٍ ومـايـل

وامسيّسين اسياسة الفـوز تسيّيـس ..
.. باللبل وبالهجـن السبـاق الاصايـل

تفوز في يـوم المزايـن وفالريـس ..
.. من كـل منعوتـه تسمـى وحايـل

ولو حصل للبل من النـاس تفليـس ..
.. يكفيكم انك فالعـرب مـن لاوايـل

تلبس من العنّـاب زيـن الملابيـس ..
.. يوم المزاين مـع ارجـال الحمايـل

يزها بها لـون العلـم تتبـع افنيـس ..
.. ابـلٍ لهـا عـادات كسـب النفايـل

ومدحي لبو زايد محمد بـلا قيـس ..
.. مدحٍ لـو يقـارن بفعلـه .. قلايـل

الله يمهّـل بـه ويخـزي لاباليـس ..
.. وايدوم ذكره فـوق كـل الطوايـل


http://up.eqla3.com/files/Pics/eqla3_com_1174156193.gif

،؛، .. مــؤمــن الـريــفـــي .. ،؛،

(يامؤمن الريفي )انا جيتك زبون..
.. جيتك على مدح اكثر الناس وعنيت

جيت وتعالى الله عمّا يشركون..
.. لولاه (يامؤمن) لطبك ما اهتديت

راضي بحكم الله علي مهما يكون..
.. عالج عيوني لو بعد طبك عميت

ودي اخاشر فالبصر من يبصرون..
.. واشوف دربي لا سرحت ولا ضويت

والى قنصت اثبت مع اللي يثبتون..
.. واشوف طيري كل ما اوميت ودعيت

ياااكثر ما يضرب خويي (الطابلون)..
.. من كثر ما اكلّته مطباات وكليت

وودي اشوف اللي علي يعرضون..
.. وبعض الليالي ودي اسري دون ليت

وااشوف ناس ٍ فالقفا ما يرحمون..
.. اما وقفت لصاحبي والا مشيت

من دون نظاره ولا هم يحزنون..
.. يااا كثر ما كسّرت كشمات وشريت

لكنٌ يا دكتور جعلك ما تهون..
.. ابغيك كلمت راس دامك ما بديت

اسمع......ولا ابغي اللي وزانك يسمعون..
.. ربي كتب يكشف لك اسراري وجيت

صورة عديل الروح عندك فالعيون..
.. واخاف تقطعها بموسك ما وعيت

ولا عليك امر..اطوها تحت الجفون..
.. وعقبه لو تقطع عيوني ما شكيت

هي راس مالي والعرب ما يدركون..
.. اني على باب الممات و ما حكيت

ياقو قلبي يوم قفن الضعون..
.. اللي على ذاك الموادع ما بكيت

ويا صبر صبري والعواذل يحسبون..
.. اني دلهت من الهوى والا سليت

اسكت عساهم من سكاتي يسكتون..
.. وانا عن اللي في ضميري ما انتهيت

وادور الفرحه مع اللي يسهرون..
.. وان ذكروني خذت فنجال وسريت

اخذت من وقتك يا دكتور العيون..
.. عالج عيوني لو بعد طبك عميت

واستر علي واللي معك لا يفطنون..
.. انت الوحيد اللي بعد ربي دريت


>>قصيدة مؤمن الريفي بالصوت<< (http://up.eqla3.com/files/Zip_Rar/eqla3_com_1174231577.rar)

اتمنى ان الموضوع ينال اعجابكم
تقبلو تحياتي alkaabi_lvl

[بنوتة العين]

يعطييك الف عاافيه اخووي الكعبي ع النقل الراائع

لاتحرمناا من يديدك ^^

اختك بنوتة العين

[بدويه سنغاليه]

صدقت واللهـ...مافيك حيلهـ.. يابن فطيس..

وماشاللهـ..عليكـ..خويهـ,,كفيت ووفيت فذمتيهـ..

ويعطيك العافيهـ..ع المجهوود الطيب..

ونرقب الزود والزين منكـ..

الله لاهانك,,^^

[Cartier]

تسلمون على طلتكم


ولاتحرمونا هالطله

[المقـ فل اوبشن ـلوعه]

مشاء الله عليك يا الكعبي

موضوعك رائع واسميك كفيت وفيت

وبن فطيس يستاهل لقب شاعر المليون

وتسلم يعل عمرك طويل على الموضوع الرائع
ولا تحرمنا من مواضيعك المميزه

[Cartier]

وعمرج اطول يا المقلوعه


وتسلمين على طلتج وان شاء الله ماننحرم منها

[الأريج]

يعطيك العافية



وتسلم يمنااااااااااااااااااااااااااااك


.................................

[الحشيم]

يستـــــــــــــــــــــــــاهل

[Cartier]

تسلمون على اطلالتكم


ولاتحرموننا هالطله

[乂الهـواويهــ乂]

تسلم اخوي الكعبي على الموضووع الطررررر



الصراحه المري مافيه حيله


وتمنييتله الفوز


^__^

[Cartier]

تسلمين الهواويه على هالطله


وان شاء الله ما ننحرم منها

[خييلي بطران]

مشكور يالكعبي على هالموضوع

[Cartier]

العفو


ولاتحرمنا طلتك

[*[..آَڷمعزبـِه..!!~]

يسلمووو الكعبي ع الموضوع الحلوووووووو ......

[Cartier]

طلتج الاحلى



ولاتحرمينا هالطله.

[ولد الامارات]

مشكوور اخوي على الموضووع المميز ^_^


الله يعطيك العافية


ونتريا الزوود منك ^_^

[Cartier]

تسلم على طلتك


ولاتحرمنا شوفتك

[عـــزام]

][][§¤°^°¤§][][كفيت ووفيت ياخوي .][][§¤°^°¤§][][

[الكتبي]

يسلمووووووو

[الامبراطوره وحياتك]

يسلموووووووووووووووووووووووووو ع الطرح الغاوي

[عاشقة الفتكـ]

الحمـدالله واثـق ٍ مــن روحــي
وان كِنْت ذيبٍ .. في الرّجـال ذْيابـه

ما اقول انا أشْعَر واحـد ٍ فـي العالـم
لكن قصيـدي كَفْـو وانـا ادْرى بَـه

الشّـعْـر جمّعـنـا لــو تْفَـرقّـنـا
حْـــدود وظـروفـنـا الـغـلاّبـه

الله يحفظ بن فطيس ..وتسلم ياخوي الكعبي

اخــتــكـ عاشقة الفتـكـ