لمن سيفتح يومياتي اذكروني ببسمه الثغر لا لحسره الندم

[×!{ شيخة البنات }!×]

السلام عليكم

شحالكم


$ يوميات شــيــخــة الـــبـــنـات $



اول شي بعرفكم على نفسي^^


الاسم : شيخة البنات 000 والنعم لول

العمر : 17 < العمر كله ياربي

الهوايه : نت , قصص, فروسيه , سباحه

لوني المفضل : اصفر , ازرق, بنكي,, واسود

عطوري المفضله : فرزاجي وقوتشي واسكادا , واحب بعد العطور الرجاليه ههه ودهن عود شي اساسي طبعن


طبعن اتمنى انه اكون مهندسه ديكور لاني وايد احب التصميم و اقعد اصمم ساعات وبراويكم تصميماتي


وحكمتيه في الحياه

اعـيش يومي ولا افكر في باجر





لي بيرسل ملاحظه يرسلي اياها على الرسايل











شـــــــــيــــــخة البنات

[×!{ شيخة البنات }!×]

000 ويش جاه محبوبي مشى وخلاني مابين نيراني واحزاني

000والي يسوي سواته ماهو عاقل يحبني موت ويصاحب ثاني

000محبوووووووووبي مشى وخلاني



يودان وداني عاااااااااااااااشو يااااااااااااااااابس

احب هاي الاغنيه


11_1 _ 2009


اليوم اول ماييت من الامتحان كنت وايد مستانسه تعرفون ليش لانه باجلي يوم وبخلص

وطبعن شعوووووووري ماينوصل اكيد دامني بخلص نو سكول اقين


لا تحاتون حليت زين في الامتحان بس الي في الجدر يظهره الملاس<<< ماعرف اذا صح المقوله ولا لووووووول




دشيت المسن ومالقيت حد اون وعقبها دشت الخييليه << صديقتيه العزيزه فديتها
رمستها ولقيت يوميات الاعضاء

يلست شيخوه تفكر وتفكر وتعصر مخها اذا تنزل يومياتها ولا قلت مالي غير الخييليه اسالها

شيخة البنات:
شورايج انزل يومياتي

الخييليه :
حلو نزلي انزين


شيخة البنات :
امم ماعرف كيف البدايه


الخييليه :
سوي شراتي

الموهيم جفت انه هيه كاتبه الاسم والعمر والهوايه وكتبت


شيخة البنات

اوكي شو اخلي العنوان

الخيليه :

امم في مقطع عن شيخة

شيخة البنات
شورايج اخليه لمن سيفتح يومياتي اذكروني ببسمه الثغر لا لحسره الندم

الخييليه : طر

وبعد ها قررت سمو الشيخة تنزل يومياتها


وها تقريبا نص يومي




000 خلوه على كيفه يدور غيري يرتاح وارتاح انا من تفكيري
000 مافاد لا حبي ولا تقديري مابيه مابيه حتى لو تعنى وجاني
000 محبوبي مشى وخلاني

عاااااااااااااشو هههه



ادري صوتي حلو مايحتاي


تعرفووووووووووووووون ؟؟؟؟؟؟؟؟؟؟؟





حلو الشعور يوم يكون عندكم موضوع بس انتو تتحكمون فيه
كشخه اسوي الي اريده ارمس واسوي فيه كل شي
ترا بالاخير يومياتي وانا حره


000 والله شكله من البدايه خاين خداع
000 مافيه شي في عينه باين
000 للحب والعشره ابد موصايم ضحكته
000 ضحته يالاسف بكاني

& محبــــــوبي خلاني &


برررررررررررررررررررررررررررررب عقب برجع

[×!{ شيخة البنات }!×]

من لمحته بعيد يمشي فز قلبي

وقلت اعرفه يوم انا قربت منه هذا خلي هذا وصفه



12-1-2009


اليوووووووووم اخر يوم

تصدقون ؟؟؟؟؟ ههه

اليوم خلصت امتحاناتي واخيرااا



تعرفون عاد شعور الطلاب يو يخلصون امتحانات


وانا في الامتحان قاعده اطالع الساعه اريد اظهر مليت من القعده والمس تقول لا قعدن مش رايضه اظهرنا وانا كنت شوي وبصفعها


المهم قالو يلا طبعن انا اول وحده مسلمه ورقتيه
وظهرت على طوووووووووووووووووووووول ورجعت البيت
ولقيت شيخة الغراشيب ماشاء الله سابقتني بيتنا ههههههه

طبعن مش مصدقين انه خلصنا

رحت حطيت ثيابي على طول بروح بقعد في دبي ولهت على بيتنا هههههههه وعلى مطبخ بيتنا هههههههه << الي يسمع ماعدنا مطبخ


شيخة الغراشيب:

شيخوه شو رايج نروح المطبخ نسويلنا شي ناكله


شيخة البنات :

هيه والله يبالنا لاني يوعانه وايد



رحنا المطبخ

وسوينا اكلتنا المعروفه نودلز وشيخوه الغبيه سوت بيض بس هب شي نفس ويها مافيه ملح بعد ههههه وكله زيت غبيه هاي البنت

قعدنا ناكل ودقيت حق ختيه هي مسافره ( تولهت عليها وايد حرام ماخلوني اروح معاها كله من الزفته المدرسه )
وقتلها اني خلصت
وسويت حفله في البيت اني خلصت هههههههه

ياحبيبي حبيبي بت حبل الوصل لا تخلي حبيبك لو حصل ماحصل 000


شوفني دون صوتك سيدي كم امووووووووت لا تكابربهجرك واتصل بس اتصل 000



برب

[×!{ شيخة البنات }!×]

ولهت على يومياتي

من زمان ماحدرت


اخر مره كنت حاطه يومياتي اخر يوم في امتحاناتي طبعن سرت دبي ومادشيت النت فتره طويل

تولهت على ربيعاتي والمنتدي


المهم بقولكم شو صار في الاجازه


كنت رايحه دبي

وانا في الطريق قلت حق ختيه

شو رايج انروح العين نتلاقى مع الخييليه وغرشوبه العين
قالت هي من زمان مارحنا العين

عاد انا احب العين وخاطريه اجوف الخييليه وغرشوبه

الموهيم قعدت اقنعها

ودقيت حق الخييليه وقتلها اني باي العين طبعن استانست ههه لاني اول مره بتلاقى معاها



اليوم الثاني


انا وشيخه الغراشيب ناشين من وقت بس عسب روحه العين تلبسنا وتكشخنا ورحناااااااااا


وتلاقت مع الخييله الدبه في الحديقه

طبعن كيف كان التلاقي

كنت كل ما اجوف وحده تحدر الحديقه اقول اكيد هاي ولا عقب اقول لا هاي الين مايت الدبه

وقعدنا نسولف

عمري ماكنت اتوقع انه اتلاقى مع وحده منهم

دقينا حق غرشوبه الي ماخلوها اتي وقعدنا نغايضها انا والخييليه الين ماعصبت وسكرت وقعدنا نتمشى في الحديقه العجيبه لووووول


وكان الجو يجننننننننننننننننننننننننننن

وماكنت اريد ارجع دبي بس قصبن عني ( حكم القوي على الضعيف) نفس مايقولون



وانا في الطريق كنت قاعده اصور بس الاسف الصور مش واضحات



بعد كم يوم

دقت معزبوه وانا كنت راقده مارديت


هاي البنت نادر اذا نحصلها الدبه
يوم مارديت عليها طرشت مسج قولو بعدين معزبوه ما ادق يوم ادقلكن ماتردن

تعرفن متى الدبه داقه ؟؟

الساعه 10 الصبح وانا في اجازه مش خبله انش من وقت هههه

وطبعن الايام بسرعه تمر وخلصت الاجازه
وباك تو سكول اقين


وانا احين قاعده اكتب يومياتي وباجر عندي اللوعه وداق في راسي اغيب بس محتاره اذا باجر ولا الخميس لووول


ادعولي اغيب هاييل اليومين