New friend

[pinky 24]

هاااااااااي شحالكم حبيت اشاركم في يومياتي اللي اكثرها مواقف ربشه وفي نفس الوقت اضحك

واتمنى انكم تتقبلونها :shiny:

[pinky 24]

اليوم بالنسبالي اخس يوم سايره الكليه وانا مسطله :13: يعني ما ودي انش وانا في احلى لحظاتي
لاكن شو أسوي ما باليد حيله :Taj52: و طبعا كلاسي يبدا الساعه 8 ونص فأنا وصلت قبل الساعه 8
فسرت اتريق فالكانتين مع ربيعاتي وانا حادره الكانتين صادفني موقف غريب شفت وحده تزقرني اتقولي انتي ليش ما حظرتي الكلاس وانا بخبر عليج امج وبشوفين بعد :145: وانا من الصدمه مب عارفه شو اقوللها وهي تكمل واتقول (يا سلام وكاشخه حظرج بعد حق منو ما اعرف) وانا طبعا بس يالسه اطمش عليها
بالفعل عجب فقلتلها انا من الاساس ما اعرفج فقالتلي تستهبلين بعد قلتلها لا والله فسألتها يمكن انتي مخربطه فالاسم ومن خبرتها اسمي :72:استحت
ومن كثر مب هي مفتشله مارامت تقولي اي شي غير انها تستسمح :hapy: فقلتلها عادي لأنه سمعت اصلا انه فالكليه وحده تشبهني بالضبط و صح وهي يوم ترمسني كانت لابسه نظاره شمسيه :Adobe photoshop 16:
بالفعل هالانسانه عجيييييييييبه
والحين بخليكم بسير اتغدى :Adobe photoshop 9:

[pinky 24]

صبااااااااااااااح الخيييييييييير :shiny01:
السموحه منكم ما كتبت امس لأني كنت وااايد بزي بالامتحانات
والبروجكترات
بس اليوم المزاج رااايق على الآخر:hapy:ومستانسه لأني خلصت كل اللي عليه
بس ادري اني ما بفتك منهم يعني لاحقه
على الكراف الزايد:114:
بس يلا ما عليه لازم اتعود ع هالشي:) .
اليوم الصراحه وااااايد حلووو
والجو بروووحه روعه يعني( مهب وغيم)
يااااااااااي كشخه :1aa:
وطبعا وانا سايره college شفت حادث الصراحه يخوف:8: ومبين ان اللي مسوينه
ما أظني يظهرون منه بخير بس الله يسلمهم انشالله
وعقب ما تخطينا الحادث طبعا خطفت ع شيشه البتروول اللي هي ( المحطه )
ونزلت خذتلي كوفي
وانا ظاهره من الشيشه ابا اركب السياره انجب الكوفي علي:sad_1: بس الحمدلله انه ما خيسني وااايد
وعقب ما ظهرت من الشيشه طبعا لازم اسيير الكليه ومن وصلت عند باب الكليه ما كان لي خاطر انزل لأني ابا ارد ارقد بس شو اسوي مجبوره اسيير وبإختصار
دخلت السجن الكئييب :asd:

وما اقول غير( الله يصبرني على ما بلاني):asd::asd:

[pinky 24]

صباااااااااح الخيرر
والسموحه ع الغيـــــــبه الطويله
لاكن شو اسوي الزجام والحمه بريدني:sad: وااااااااايد
وفوق ها كله امتحانات وإلخ........
بصراحه انا وااايد مضايجه من هالاسبوع الكئيب
لأنه بالفعل مستحيل الانسان يلقاله صديق يحبه
ويحترم مشاعره برغم من أن اللي يشوفني يقول يا حظها هاااااااي
دوم مستانسه:shiny:
لاكن العكس لأ مب دوم ,
واللي زاد علي الضيجه أكثر أنه صار موقف أمس مع وحده من بنات لكلاس
والسبب بس لأني قلتلها خلينا نخلص شغلنا بسرعه عسب أرد البيت
لأني واايد كنت تعبانه من الزجام ..
وفجأه قامت تزاعج عليه استغربت من ردت فعلها
ونشيت عنها وأنا صدق حاطه في خاطري

بس بصراحه حسيت أن هالدنيا بالفعل مصالح :sad:

والحمدلله ع كل حاال:122:

[pinky 24]

وأنا أقرا هالقصيده حسيت أن الدنيا بعدها بخييييير وأن الأنسان ما ينظر لسلبيات مهما كانت ظروفه لأنهه بالفعل تتعب الواحد وبصراحه أشكر هالشخص اللي طرشلي أياها وأقوله (تنحط ع الجرح يبرى):msn-wink:
أحـبك كـلـمـةٍ قبلـي وقـبـلـك قــالـهـا الـعشـاق
وانــــا ويـــاك قلناهــا قـصــــايـد شـوق مختالـه
مع حروف الوفا تشرب مـعــانيها من الاعماق
وعـلى نـهـر الـغـلا صارت زهـــور اشواق مياله
يــاأول من سكن قلب القصيد وحرك الاشواق
يــاأول من غدى احساسي مع الابيات مرساله
سكنت بـداخـلي حتى غـديت النبض للخفـاق
عطــيتك من وفــا روحي غمرتك باطهر اشكاله
احبك حـب لـو قـلـتـه تـضيـق بـلفظـه الافــــاق
احبك حـب مـــاحـبـه سـواي ولا احــــــــدٍ قالـه
احبك كـثــر مــايشرق بعد ليلٍ يجيني اشـراق
احبك كـثـر مــــايبـدا خـفوقــي عــنـــك سؤالـه
احبك كـثـر مــاعــانـق نـزيـف اقـلامـي الاوراق
احبك يـــابــعـــد عـمـري غـلاك القلـب مدهالـه
احبك لــو زعــل غــالي عساه ان صد بالطقاق
انا مــاهـمـنـي غـيــرك وحــبـك زاد مــنـزالــــــه
مادام انك معي وافي تسلي خاطري لاضـــاق
ونـيـسٍ لابــتـدا لــيـــلٍ يــهـــز الـــــروح بقبــالـه
احبك كلمةٍ حــلـوه ابـد مــاقــالــهـا الـعـشـاق
اترجمها من احساسي قصايد حـب مـخـتــالـه