..][ ياهيه اللتفت لي ::::و:::: اسمع ادعاي لك ياهيه..][ [الأرشيف] - •¦[• مــنـتـديات الــخـــــييـــلي •]¦•

الوافيه

2009-07-12, 06:17 PM

.
.
*
.
.

يا مرحبآآآ يا معنّي خط الآقلآمي
مثايلٍ ٍشوقتني في معانيها
حيّ المثآيل يآ سلآلة نسل الآكرآمي
يآمن بيوته عن الزلآت يحميها......}

البطاقة الشخصية;)

الإسم: الوافيه

الوظيفه: على مقاعد الدرس

الهوايات: كل شي أحبه :98:

اللون المفضل: طبعا هم ثلاثة ألوان

الأحمر _ الأبيض (ملوكي) _ الأسود

ممممم وشو بعد
:sadwalk:
هيه....

العطر المفضل:الكحل

المكان اللي أحب أسير له

"البر" >>>> ياحلآآآآآته:107:

وأفضل شخصية عندي:

الشيخ محمد بن زايد آل نهيان

...وبس..

وإن شاء الله لي عودة

انتظروني....:101:.....

الوافيه

2009-07-12, 09:46 PM

.
.

*
.
.

صورة بليا صوت .....هزت وريدي...}

http://www.al5haili.com/up/uploads/1ccb497c34.jpg (http://www.al5haili.com/up)

http://www.al5haili.com/up/uploads/c8d9cba894.jpg (http://www.al5haili.com/up)

http://www.al5haili.com/up/uploads/18eb88ec1b.jpg (http://www.al5haili.com/up)

الا ياعين عليج الله صيحي وجودي بالدموع ولا تملي
وخلي الدمع هماله نضيحي على خد ٍ تجعد من حزن لي
طوانا الهم والغم الكسيحي وحزن ٍ حل بي ما يضمحلي
الا وا كامل الوصف الفصيحي الا وا غيم ع دياره يهلي
الا وا راعي اللفظ الصحيحي الا وا من سكن في ضامر ٍ لي
الا وا زايد الفذ الرجيحي الا وا راعي المعروف ياللي

صدى ذكره ملى الكون الفسيحي شرات البدر نوره يستهلي

كريم ٍ والزمن صاير شحيحي الا يا كم من فيضه نعلي
ويوم اللال م الضحضاح ضيحي سقانا زايد وبه نستظلي
قراح الماي من عقبه مليحـي وليس الزاد عقبه سايح ٍ لي
وعقبه لاهب الحسرة لفيحي وعقب لا سعادة ولا تسلي
حريمٍ م الخدر تظهر تصيحي تشق الجيب وتنوح وتولي
وشياب ٍ لحاهم يستبيحي غزير الدمع خرسها يهلي

مصاب ٍ مدلهم ٍ لو يليحي على صم الصخر أمسى موّلي

وذكره لا يزول ولا يميحي غرس حبه ابويه في حشاً لي
الا يارب يعله مستريحي وفي الفردوس تكتب له محلي

الوافيه

2009-07-14, 04:48 PM

.
.
*
.
.

مدخل....}
مدخل غرامي والأحاسيس حوله
وضاع الفكر ما بين حاله وحاله
وأسهل حلوله صارت أصعب حلوله....}

السلام عليكم ورحمة الله وبركاته
اليوم //الثلاثاء
التاريخ//14_ 7 _ 2009

*

*

بخبركم عن سهرة البارحه نزلت للصاله ومالقيت غير أختي قاعدة اطالع فلم أجنبي ع
قناة mbc2:28:
قعدت أطالع وياها ع بالي حلو بس الله لا يراويكم ما قد شفت أبخ عنه:blink:
صدق كان تافه سألتها
أنا:شو عايبنج في هالفلم البايخ:20:
أختي:إنتي ما تابعتيه من أول عشان جذيه تقولين بايخ:1aa:
أنا:اونه البطله التنبأ بالمستقبل وتقول شو بيصير والعالم كله تصدقها وقعدت
أضحك:Adobe photoshop 16: لأني أتكلم وهي
اطالعني بطرف عينها :12:
أختي:يوم هو بايخ ليش قاعدة اطالعين قومي سيري حجرتج:35:
أنا:بتطمش شوي :58:
أختي:تراه مب عايبنج ومن يتي وإنتي بايخ وبايخ..... قولي ما تعرفين شو تسوين:1aa:
أنا في خاطرية"شدراها :145:بصراحه أنا ما أعرف شو أسوي من يتنا الإجازة ونومي
متلخبط الليل سهر والنهار رقاد "
أنا:شدراج؟؟
أختي:تراج ما تقعدين وياي إلا إذا كنتي ضايجه وملانه:21:
أنا:عنبوه ساحره:31:
أختي:إيييييييه قولي ما شاء الله:35:
عناد فيها:مابقول :1aa:
أختي:ترى والله أقوم لج:12:
عاندتها أكثر :وإذا قمتي شو بتسوين:1aa:
كانت بتقوم لكن قمت قبلها وشردة لحجرتيه قفلت الباب وانسدحت ع السرير:56_asmilies-com:
ضبطت المنبه وحاولت أرقد اجلبت واجلبت وأنا في خاطري أسب أختي
خلّه أنا أستاهل يبت لعمري جذيه المهم رقدت 3 ساعات ونشيت حسيت بعمري
نشيطه مع إني ما رقدت وايد المهم بعد ما صليت طلعت برا ويالله محلى الجو برااااااد والسماء
صافيه ما تسمع غير العصافير تسبح ربها:029:
رديت للصاله ودخلت المطبخ التحضيري سويت لي جاي عالسريع وطلعت لغرفتي فتحت
اللاب وقعدت أتصفح المنتديات أففففف صراحه راسي دار وأنا أجلب وأجلب فيها
بندته ورديت انسدحت وخذتها نومه لين الظهر وألحين قبل شوي يتني الخدامه توعيني للغداء
نشيت وعظامي أحسها كلها متكسرة فتحت الباب عشان أقول ما أريد الغداء
لكن سبقتني إيد ماسكه صحن
أنا:يسم الله شو ها:133:
الخدامه:ماما يقول هذا مشان إنتي:o
أنا:ردي الصحن وقولي لماما ما أريد :35:
الخدامه:لييييش مايريد مهشي:o
سمعوا شو تقول أوين المحشي صار مهشي هههههههه
أنا:زين هاتيه
خذت الصحن وبندت الباب وراي
حطيته على الطاولة ودخلت الحمام"الله يعزكم"أتمسح
بعد ما صليت فتحت اللاب وصحن ورق العنب جدامي يمي يمي حد يبا:109:
هههههه

مخرج.....}

ذاق قلبي الندامه طار لك من هيامه
شفت وشلون حبك خلي قلبي حمامه
بس حمامه تحبك
إلا ماتت فحبك مثل صاحبها ياللي مايبي
غير قربك...}

الوافيه

2009-07-18, 12:09 AM

.
.

*
.
.

السلام عليكم ورحمة الله وبركاته

الجمعة

17 _ 7 _ 2009

.
.

*

http://www.al5haili.com/up/uploads/6ac853328c.jpg (http://www.al5haili.com/up)

[مبرؤؤك] تستآآآهل عسى الله يهنيك...

عقبآآآل [ما تنسى] وعقبآآل ما [أنسآآك]...

على [الفرح] مبرؤؤك وإلا أعزيك..

على[ الليآآآلي] ذيك لضاعت [ويآآآك]...

* * * *

علمت قلبي [نبض] حبك وطآآآريك

وعلمت [ روحي ] كيف تنسى خطآآآياك...

ليتك بعد علمتني كيف [ أخليك ]...

وأنسآآآك في لحظة ولا أعيش [ذكرآآآك]...

* * * *

شريآآآن [قلبي] بس شغلته بغذيك...

[أموت] وإنته تعيش يعلني [ أفدآآآك]...

ما أنام لين أشوف جفني [يغطيك]..

وأضمك بصدري بلا حس [وادرآآآك]...

* * * *

هالدنيآآآ هذي كنت ما أشوفها [فيك]..

أهم شيء [ارضآآآك] وارضآآآك وارضآآك..

مليت[ أحبك موت] ما ودي أبكيك

ودي[ أموت] وما معي حد [يسوآآآك]...

همسه....}

مجرد خربشه لا أكثر......!!!

الوافيه

2009-07-18, 12:56 PM

.
.
.
*
.
.
.

أيام قلايل ونستقبل الضيف الكريم اللي كل سنه يزورنا

][شهر رمضان ][:4:

هيه نعم شهر رمضان...

اللهم بلغنا رمضان وارزقنا صيامه وقيامه واجعلنا من المعتوقين من النار...:f63:

وكل عام وإنتم بخير :98:

مثل ما تعرفون المنبهات مب زينه :smoke1:

فأنا من اليوم مسويه اضراب ع نس كافيه:12:

أوني كل مرة أقول ما بشرب بس من يضربني صداآآآآآع فضيع ما أتحمله أدش المطبخ

وأسوي لي دلة نس كافيه وأشربها صرت مثل المدمنه:95: >>>>>حشى بديت أشك إنهم

حاطين شيء فيه....:Adobe photoshop 1:

عربانّا

أدعوا لي أنجح في هالإضراب :f63:

وتنتهي مشكلة الإدمان....!!

الوافيه

2009-07-21, 11:59 AM

.
.
*
.
.
الثلاثاء
21 _ 7 _ 2009
من شوي وبالتحديد قبل ساعتين كنت في البر :107:>>>>>> أوني طالعه عشان أغير جو
بس الصراحه كشخه السيرة يوم ما تشل حد هياك من هالشياطين أقصد
صغارية البيت:1aa: كلهم رقود بس أنا وعيوزي سرنا عند أخوي اللي كان مواصل ولا رقد:128:
مسكين يوم يا بيرقد عزرت عليه عيوزي أنه يوصلنا حليله طلع يشغل السيارة
ببجاما النوم:135: ويوم طلعنا أنا وعيوزي طالعته من فوق لتحت:7: وقالت
:31::شو هذا ليش ما تغير هالكندورة اللي تقول كندورة مصارى؟
:117::أمايه والله مالي بارض بروحي تعبان:59: ولين ألحين ما رقدت يالله ركبي ولا ترا أرقد عليج
هنيه في السيارة
بعد ما ركبت عيوزي خبرته يخطف ع مطعم هندي ع الدرب
:117::وليش نخطف ع المطعم تراكن متريقات بلاليط وبيض>>>>>كان يقصدني أنا وعيوزي
:31::هذا لك يا هاليس تراك إن ما كلت بترقد علينا في السيارة
:117::هههههههههههه تخافين أرقد ولا تخافين على روحج إني أدعم
:31::انطم وصيح عليه خلّه ايي
طلب براتا حار مع جاي كرك حليلك يا أخوي والله انك طيب قاعد يطالعني:105: من منظرة السيارة
وفهم إني أريد وجان يطلب لي شراته بس مع جاي بدون كرك وأنا ما صدقت:1:
المهم طلعنا ويوم وصلنا قعدت أدور ع الأرانب ما أدري وين سارن سرت أتخبر بيدارنا
وجان يطالعني جيه:35:
أنا:شعندك اطالعني جيه :126:
:147::هذا مال انتي كوكه ورمانه سوي واجد حفرة منيه >>>>>يقصد الأرانب
أنا:الله ينطبك كم مرة قلت لك اسمهن خوخه ورمانه :jld:
:147::أنا مايعرف شو اسم ألحين ماما زيادة جنجال مشان هذا حفرة
أنا:هههههههه سر سر عند أمايه وتفاهم هياها أنا مايخصني وجان أسير عنه
عند أخوي اللي قاعد يعابل بتلفونه مادري شو يطالع فيه شوي ويضحك:Adobe photoshop 16:
والا أقرا لكم هالمسج:
"واحد قاعد يصيح في جنازة زوجته ، سألوه تحبها قال:لا بس سمعت أن الصياح
يعذب الميت"ههههههههههه:Adobe photoshop 16:
وعلى هالضحك سمعنا عيوزي تزقرنا بنسير وأخوي ما صدق من ركب السيارة وهو
مطيرنها:107: وأمايه تباغم عليه خف من السرعه بتجتلنا وأنا عاااااادي عندي وااااايد
عايبني ..:137:
ولين هنيه تنتهي الرحلة ولو إنها قصيرة إلا انها حلوه وحلوه وايد يوم تطلع الصبح
يقولون سرحة الصبح فيها ربح
ويالله أخليكم جااااااو:thumbup:

الوافيه

2009-07-23, 12:07 AM

.
.
*
.
.

غرور القبايل:42:

هلا فيج أختي

أنا بخير ومن صوبج:coolgleamA:

تسلمين حبوبه هذا كله من ذوقج ومطرح ما يسري يمري:123:

وبخصوص الأرانب سلامج بيوصل

بس بالأول خليني ألقاهم مادري وين خشهم هالبيدار:25:

كثري من هالدعاوي ومن قلب مشكورة:f63:

بالعكس ما غثيتيني والمدونه تراها مغبره محد تكرم وعلق عليها:113:

في انتظار تعليقاتج:bye1:

الوافيه

2009-07-25, 12:34 AM

.
.
*
.
.

الجمعه

24 _ 7_ 2009

امس الخميس 1 شعبان وتقريباً معظم اللي في البيت صام إحم وأنا أولهم:29: عاد تصوروا
الجسم مول مش متعود ع الصوم والحال ما يسر الصداع كان ملازمني :8:من أصبحنا لين
أمسينا بس الحمد لله ع النعمه اللي الله عطانا إياها والحكمه من هذا تعويد الجسم ع الصوم
قبل شهر رمضان بس تعالوا ما خبرتكم عن اللي صار كنت الظهر تقريباً الساعه 1 منسدحه
ع الكرسي ورابطه راسي بشيله هاي اللي يربطونها حق ويع الراس إنزين وشياطين البيت
أقصد صغارية البيت >>>>>مادري ليش لساني قابض كلمة شياطين
مسوين صدعه في الصاله وأنا مالي بارض لصدعتهم كافي اللي فيّه وجأأأأن أبغم عليهم
يطلعون برا في الحوش >>>>>استويت مجرمه فيه أحد يطلع الظهر اللي الطير مايطير في
السما من الحر الفظيع بس شسوي بموت من الصداع أدري بتقولون عندج الحجرة بس عيازه
ضاربتني ....المهم
نفذوا بدون صدعه وطلعوا حاولت أغمض عيوني وأتناسى الألم لكن ماشي فايده سرى
فكري عند الصغاريه أبطوا برا شو يسوون ؟؟خلنّي أطلع أشوفهم
طلعت ولقيت الحبايب ماسكين فوز الماي ويتراشون صراحه أحلى شيء سوووه
مشيت صوبهم وهم أول ما شافوني عقوا الفوز وطالعوني بخوف
وأنا حاطه إيديني الثنتين ع خصري وزامه شفايفي >>>>أخوفهم
ويوم شفت الخوف في عيونهم ضحكت وهم مستغربين وجأأأأأأن أقول
أنا:أحمدوووه هات الفوز>>>>>ترى أساميهم أحمدووه وسعود
خذت الفوز وجأأأأأن أر شهم وهم مستانسين يربعون في الحوش وأنا أركض وراهم وجأأأأن
أسمع صوووت هزني من طولي
أمايه:ما عليه يا مسودة الويه ...شقاعدة تسوين باليهال
أنا:والله أنا بيضا شحقه تقولين مسودة الويه وبعدين هم يبون يتسبحون
أمايه: غربلات عدوج بيمرضون
أنا:عأأأأأأأدي ترى هذا إلا حمام شمس
أمايه:حمام شمس في عينج ..يالله أشوف بندي الفوز ودخلي اليهال
بس من خوفهم من أمايه ماشفت إلا غبرة ريولهم وأنا قبل ما أبنده
حطيته على راسي حسيت بانتعاش والصداع ما أقول لكم إنه راح لا
خفف الويع شوي إنزين وبعد هالموقف الحلو اللي رجعني شوي لطفولتي
رديت داخل وبدلت ملابسي وحصلت هزبه محترمه من أمي المصون
أدري الموقف وااااايد قصير بس مادري حبيت أدونه لأنه فيه شوي من الطفوله اللي
عشتها.....

ودمتم سلوم

كنت هنا...........> الوافيه

الوافيه

2009-07-29, 06:30 PM

.
.
*
.
.
مدخل...}
في خاطرك شيءلي تعآل واسألني
لا تحكم بغيب نفسك واترضاها
لا تنوي إنك بأسلوبك تقللني
ترى الله يحآسب آلناس بنوآياهآ....}

قهر يوم توصلك أخبار ع لسان غيرك إنك قلت جذيه وجذيه:icon28:
وإنت ما قلت ....!:57:
والقهر يوم تحاول تبرر موقفك الكل يوقف ضدك!!!:056:
صار هالموقف قبل الغداء ويوم حاولت أقول شيء الكل طنش وقعد ياكل:7:
أما أنا ردييت حجرتي معصبه صفقت الباب بقو وقعدت بيوعي :126:
حاولت وحاولت أطنش كل الكلام اللي انقال
وتذكرت جملة قريتها:3:
"الحياة مليئة بالحجارة فلا تتعثر بها....بل اجمعها وابني بها سلماً تصعد به نحو النجاح"

الحمد لله على كل حال

مخرج......}
مؤمن بربي ولا في يوم أشركته
وأهذب النفس بسمه في
صلواتي.....}

الوافيه

2009-07-31, 12:01 AM

.
.
*
.
.

مدخل....}
الأماكن كلها مشتاقه لك....}

http://www.al5haili.com/up/uploads/df25d7496f.bmp (http://www.al5haili.com/up)

صديقتي...!
اشتقت إليكِ
اشتقت لروحك الطاهره
واشتقت للتعبير عما بداخلي
فمتى أنين الورد يبحث لنا عن وطن...؟
ومتى آخر الطريق الذي سرنا عليه يجمعنا....؟
صديقتي...!
لاتحرميني من ابتسامتك العذبه
ووجهك البرىء

مخرج....}

ما أبغي رفيقن لا ضاقت يخليني
وأهل الفعايل تمثلها فعايلها...}

الوافيه

2009-08-04, 12:17 AM

.
.
*
.

كح كح كح //السموحه منكم ع هالغيبه:124:
شحالكم عربانا عساكم مرتاحين
بالنسبه لي أنا بخير لولا هالشحطه اللي قابضتني:9:
اشتقت لكم وللمدونه اللي غبت عنها بس شسوي
لا جديد يذكر بس وأنا قاعدة أجلب بالنت لقيت أشياء أحبها وذكرتني بطفولتي
أخليكم مع الصور.....:029:....~

http://www.al5haili.com/up/uploads/4cd557d274.jpg (http://www.al5haili.com/up)

بوليانا بنيه طيبه تذكرني دايما بنفسي >>>>:66:
وحكايتها وايد حلوه أستانس يوم محد يكون عندي لأني ما أحب الحشره

http://www.al5haili.com/up/uploads/f890b18e00.jpg (http://www.al5haili.com/up)

أحبه واااااايد وحتى لو يعيدونه مليون مرة بقعد أتابعه
مرات يوم أقعد في الحوش وأشوف أخوي يلعب كوووورة أروح وألعب معاه
أدري بتقولون إنتي ولد تلعبين بس غياظ مب رادة عليكم>>>>> :66:

http://www.al5haili.com/up/uploads/17225479f1.jpg (http://www.al5haili.com/up)

هههههههه دايماً يوم أقعد أتابعها لازم أكون مجهزة ثلج هالطويل اللي يشترونه من الدكان:84:
قرطاسه وفيها كذا لون من الثلج أظني عرفتوه

http://www.al5haili.com/up/uploads/c73674c661.jpg (http://www.al5haili.com/up)

تعيبني حكاية هالبنت ووايد تغمضني :tears: ما أدري أحس أوقات أن فيه وايدين
ناس يعيشون نفس هالحكاية

http://www.al5haili.com/up/uploads/45c40f6b62.jpg (http://www.al5haili.com/up)

خبال هالرسوم :clap: وااااايد كنت أتابعه وحتى في كل مرة يعيدونه
أقعد أتابعه

أخليكم عربانا :bye1:
وإن شاء الله لي عودة :102:

الوافيه

2009-08-04, 11:29 PM

.
.

*
.
.
اليوم :الثلاثاء

التاريخ:4 _ 7 _ 2009

سؤال يطرح نفسه.!!

لماذا التفكير الغلط يولد غلط؟؟؟

ولماذا التسرع بالحكم يولد عدة أغلاط؟؟

همسه......}

مجرد فضفضه روح
سكبت فبعثرت عدة حروف

الوافيه

2009-08-10, 12:25 AM

.
.

*
.
.

أحداث الأمس

كان بيوم: السبت
الموافق:8_ 8 _ 2009

بعد ما صليت العشاء نزلت تحت أنتظرهم يحطون العشاء ما لقيت حد في الصاله غريبه:cry: وين
ساروا طلعت برا في الحوش لقيت أمايه فارشه الزوليه وقاعدة تشرب قهوة
أنا:أمايه وين العشاء:essen:
:31::شو عايلنج ألحين بيبونه
أنا:ليش تشربين قهوة في هالوقت:blink:
:31::لاتخبرين امرة راسي آنسه بينفجر:26:
أنا:ماقيلتي اليوم قاعدة في هالحر ترتبين هالتمر
:31::شو تبيني أسوي يوم إنتي واختج رقود والخدامات ما اتكل عليهن
أنا::icon_frown:
أنا:وين أحمدوه وسعود
:31::داخل يلعبون في الحجرة
أنا:وايد تأخر العشاء:131:
:31::زين قومي طالعيهن كلتي فؤادي
قمت مفتشله :39:دخلت المطبخ وجان أهزب الخدامات:017: ما أدري ليش حطيت حرتي فيهن
المهم بعد صوله وجوله في المطبخ طلعت أزقر أختي والشياطين الصغار
وأنا أمشي سويت فون لأختي
أختي:هاه الوافيه شو تبين
أنا:عشاء
أختي:ما أريد
أنا:وفرتي:126:
طوط طوط طوط
شعندها هاذي ...أوف وأنا شيخصني:schmoll:
سرت عند الصغار وأنا من بعيد أسمع أصواتهم عاليه دخلت عليهم وطالعوني جذا:133::133:
أنا:شعندكم محتشرين:ggg:
أحمدوه:الوافيه تعالي شوفيه قاعد يغش
سعود:الوافيه مين في السوني غش
فخاطريه ألحين أنا بروحي ما أعرف شو أقول لهم استغليت عصبيتيه:120:
أنا:إيييييه إنت ووياه يالله قوموا عشاء
طلعت قبلهم ما حسيت بهم إلا وهم مطيريني معاهم حشى اليوع كاااافر:shiny01:
الحمد لله بعد ما تعشيت طلبت من الخدامه تسويلي عصير برتقال فرش وأنا سرت للصاله أتريا المسلسل التركي دقات قلب وعلى نغمة يا دمع عيني:0182: صاح فوني طالعت الشاشه هذا أخوي شعنده متصل:30:
:117::هلا الوافيه
أنا:أهلين
:117::هاه تعشيتوا ولا بعدكم
أنا:الحمدلله تعشينا
:117::أفاااا كنت ناوي أييب عشاء لج
أنا:والله
:117::شسوي فيكم يوم انتوا دياي:beee: خلاص بييب لي بروحي شيء في خاطرج
أنا:ههههههه لا تسلم
سكرت عنه وعلى حسن حظي توه بدأ المسلسل

همسه...}

كل من تابع ومر لكم جزيل الشكر..:0041:.}

الوافيه

2009-08-11, 06:20 PM

.

*
.

*

مدخل......}

حيرة وتساؤل وخطوات
تائهه ما بين العقل والقلب....}

http://www.al5haili.com/up/uploads/8b2421e84a.jpg (http://www.al5haili.com/up)

"أمل"

"يأس"

"صبر"

أمور كثيرة تتغلب علينا وتغير مسار حياتنا وأمور نتشبث بها وبتريث العقل ننجح ونصل

إلى طريق النجاح

وهناك أمر واحد كثير ما يشغل بالي ألا وهو

مابين الأضلع أهو ملكاً لنا

|
7

|
7

http://www.al5haili.com/up/uploads/b39515543c.bmp (http://www.al5haili.com/up)

مخرج......}

وأصل إلى بر الأمان وللعودة رجوع.....}

الوافيه

2009-08-15, 06:21 PM

مدخل....}

يابحر أنا بسألك عن مبعد
الدآر
ياللي من الأشواق مبرد
وخآلي.....}

السلام عليكم ورحمة الله وبركاته

شحالكم عربانّا ..عساكم بخير
اشتقت لكم وللمدونه ما أدري ليش أحسها مغبره :nosweat:..محتايه تنظيف وترتيب أوراق
من أول ويديد أدري طولت بس حلو يوم تبطي وتبطي تحس إنك مشتاق وتشتاق>>>وين أبا
كح كح يقولون طلعنا دبي على قولتهم "الصيف:18: هنا">>>ما أدري هاي الأغنيه ماأدري شسمها
انزين أول شيء سرنا لمول الإمارات عشان سكي دبي قصينا تذاكر ودخلنا أنا وأحمدوه وسعود بغيت أختي تدخل ويانا بس قالت ما أتحمل البرد خقاقه وحده:beee: المهم دخلنا وهي سارت تتسوق ....كنت ماسكه أحمد وسعيد ويوم شافوا الثلج فجوا عني يترابعون الله يغربل إبليسهم فضحوني عند العرب شو بيقولون :38:
رفعت شوي من العباه ومشيت سريع ويوم وصلت عندهم لقيتهم واقفين عند هاي اللعبه اللي يحطونك عالتاير ويدزونك مساكين يتريون بالدور قعدت أراقبهم وأضحك فخاطريه :evil_lol:
لأني مب متعودة على هدوءهم الزايد عن حده وأنا أطالعهم ماحسيت إلا بشيء بارد وبااااارد
واااااايد على خدي من طرف اليمين :38:يوم لفيت أشوف لقيت وحده بنيه صغيرونه ممم
يعني عمرها جيه 7 أو 8 سنين عصبت عليها من الخاطر :71:خيستني ثلج من الغيظ مسكت بيدي ثلج ويوم رفعت راسي ماأدري وين شردت لفيت يمين ويسار ما لقيتها وين سارت هاذي:63:
يوم رديت مكان ما ييت شفتها جدامي وهي تفاجأت وبنفس الوقت ضحكت:0172: فريتها بالثلج
بس للأسف دوووووم فاشله في التصويب :59:ما صبتها يت وراها وهي مثل ما هي قاعدة تضحك وتضحك حبيتها من قلب هالبنيه لو إنها شيطانه
المهم تقربت منها شوي شوي وأسألها من وين لأن شكلها مب من هنيه
قالت لي إنها من الكويت تخبرتها عن أهلها لأني بصراحه ما أشوف حد عندها
أشرت لي من بعيد على خواتها والمفاجأة إنهن كانن يطالعنا >>>>صدق انحرجت:icon_frown:
قلت لها تروح عند خواتها أما أنا سرت أدور ع سعيد وأحمد وكملنا لعب
ويوم وقت الردة طلبت من أخوي يخطفنا شوي عالبحر ما أدري من زمان ما شفته
وما قصّر خطفنا عالسريع بس أصريت أنزل ويوم نزلت قعدت أتمشى والماي بارد يضرب ريولي
وأحمد وسعيد يترابعون ويدورون ع المحار صدق تحفه هاليهال .....وبس هذا كان يومنا بالأمس

مخرج......}

إنت طويت بلجتك علم
وأسرآر
وأنا طرآلي من الهوى ما طرآلي....}

الوافيه

2009-09-06, 01:33 AM

.
.
*
.
.

http://www.al5haili.com/up/uploads/9f5f28b519.gif (http://www.al5haili.com/up)

http://www.al5haili.com/up/uploads/c0867dae99.jpg (http://www.al5haili.com/up)

كل عام وانتوا بخير وفيمتو يحلي أيامكم:10:

شحالكم عربانا عساكم مرتاحين:144:

أدري طولت عليكم واااااايد بس شسوي الدوام الله يغربله:icon28: متعبني وغير جيه ما

تهنيت:019111:

بس يالله الحمد لله إن الجدول طلع حلو :f63:ولو إنهم غيروه إلا إنه بعد طلع حلو

سمحولي ما بطول عليكم:shiny: بس

حبيت أبارك لكم بشهر الصوم والله يعودة علينا كل سنه وكل حول:f63:

وإن شاء الله لي عودة ومع مواقف وااايد مرت علي بحلوها ومرها:029:

همسه.....}
عشر" ليال " الرحمه
مرن مسرعات
وعشر"ليال"المغفره
هاهن آتيات
وتليهن عشر "ليال"
من النار معتقات
يارب اجعلني وممن أحببت فيك
ممن رحمتهم وغفرت لهم ومن النار
اعتقتهم..~
آمين ياأرحم الراحمين

http://www.al5haili.com/up/uploads/0c3aeb3671.gif (http://www.al5haili.com/up)

الوافيه

2009-09-07, 05:29 PM

.
.

*
.
.

http://www.al5haili.com/up/uploads/d8505f53d4.jpg (http://www.al5haili.com/up)

"أبوي"

ناآح القلم وهلَت دموعه سكاآيب ....!!!
وخرَست من ع الورق حرؤف الشوق فيني

"أبوي"

يافنر هالبيت وكلمة تهز بها أوطان....!!
وبسمه تزيح الشقى والعنى فيني

"أبوي"

من عقبك تيتمت و سموني باليتيمه....!!
وأصبحت في دنيتي حزن يقلب عليَ أوجاعي

"أبوي"

ولو قلتها مليون وقف الكلام بسكات
وظل للحكي نقص وضعفي...!!

همسه....}

اللهم ارحمه برحمتك الواسعه
ووسع عليه مدخله وأبدله داراً
خيراً من داره اللهم آمين.....}

الوافيه

2009-09-09, 01:58 AM

.
.

*
.
.

http://www.al5haili.com/up/uploads/c5e8bc2734.gif (http://www.al5haili.com/up)

مساء الخير مساء ما يليق إلا بأصحابه:53:

قبل فتره كنت وايد متضايجه وياالله ياالله أظهر من الحجره:131:

كله حابسه روحي فيها بس الحمدلله احس براحه:129: +وناسه:51:+خبال :95:يوم أكون مع شياطين البيت

مواقفهم تشيب الراس وخصوصاً اللي صار اليوم

بخبركم شو صار

هذا الله يسلمكم قبل الفطور بساعه مادري بساعه ونص كنت قاعدة بالصاله وأقرأ:28: جريدة

الخليج>>>>>عكس الناس

انزين وشوي أسمع بغيم وصياح خفت قلت بخاطري:63: هذايل أكيد أحمد وسعيد

مادري شياهم بالعاده من هلَ علينا رمضان وهم اللهم سكنهم مساكنهم :75:

ويوم طلعت أشوف لقيت الأثنين قاعدين يضحكون:Adobe photoshop 16::Adobe photoshop 16: استغربت شو سالفتهم:47: تقربت منهم

معصبه :7:

أنا:شو فيكم ليش من شوي قاعدين تباغمون

أحمد وسعيد::Adobe photoshop 16::Adobe photoshop 16:

أنا::127:

أنا:إيييييييييييه قاعدة أكلمكم أنا:7:

أحمد:الوافيه تعرفين عمر ولد يرانا كان ياي وبإيده صحن الفطور ونحن كنا نلعب بهذا الكرتون

يوم شفت الكرتون كان حجمه كبير يمكن مال TV

المهم

أنا:إنزين كمل شو سويتوا بالولد

أحمد:كنا منخشين تحت الكرتون ويوم شفناه قلنا بنخوفه تريناه لين تقرب من الدري وفجأه

طلعنا له وهو طاح عنه صحن الفطور وشرد يصيح ههههههههههه

تخيلت الموقف وابتسمت:30: على خبالهم صدق شياطين بس بسرعه غيرت تعابير ويهي

للعصبيه عشان ما أريدهم يكررون هالمواقف اللي تخوف لو ألحين صار بالولد شيء من

المسئول ؟؟؟؟:cry:

تقربت منهم ومسكت كل واحد من إذنه>>>>>اللهم إني صائمه

أحمد وسعيد:أخ أخ الوافيه حرا م عليج فجي قاعدة تعورينا

أنا:بالأول بتعيدونها مرة ثانيه

أحمد وسعيد:لا خلاص ما بنعيدها بس يالله فجي

أنا:بفجكم لكن تلقطون كل هالنعمه اللي عالأرض

وجان يطالعوني جذا:127::127:

أنا:هاه شو قلتوا!!!!

أحمد وسعيد:إنزين خلاص بنلقطه

فجيتهم ومشيت عنهم داخل الله يبخص إبليسهم على هذه أفكار زين يوم ماطيروا حمامة

فؤاد الولد

شرايكم بالشياطين بالذمه ما يغيرون مودك حتى وإنت متعكر؟؟؟؟

كنت هنا أنا الوافيه فمان الله

http://www.al5haili.com/up/uploads/69d15b6ec5.gif (http://www.al5haili.com/up)

الوافيه

2009-09-19, 04:57 PM

.
.

*
.
.

http://www.al5haili.com/up/uploads/ea312978dc.gif (http://www.al5haili.com/up)

قال الرسول _ صلى الله عليه وسلم _ :

"لو تدري أمتي ما فضل رمضان لتمنوا الدهر كله رمضان"

سبحان الله

من أيام كنا نقول "اللهم بلغنا رمضان"

بلغنا صومه وقيامه ......."

واليوم نقول " انقضى رمضان وهل علينا عيد أهل الإيمان"

فعلاً سبحان الله......!!

"اللهم تقبل منا صيامنا وقيامنا"

أخواني وأخواتي .....}

بمناسبة عيد الفطر

عيدكم مبارك وعساكم من عواده

http://www.al5haili.com/up/uploads/4f5a74883a.gif (http://www.al5haili.com/up)

وهاي عيديتكم

http://www.al5haili.com/up/uploads/49466d9992.jpg (http://www.al5haili.com/up)

http://www.al5haili.com/up/uploads/d6c2e2be7b.gif (http://www.al5haili.com/up)

الوافيه

2009-10-27, 10:39 PM

.
.

*
.
.

"البقاء للأفضل":53:

مقوله أعترف بها بقاموسي لكن مع تغير الأحداث

صارت "كش ملك":sad_1:

فهمتوا شيء!! .....أكيد لاا!!:ggg:

بس اللي متأكدة منه إن كل واحد فيكم حاط حكمه في قاموسه ويمشي عليها

الوافيه

2009-11-01, 09:44 PM

.
.

*

مدخل....~

مرحبا ياحي فضل الله
حي من تزهيبه أوطاني
الغضي له القدر والله
احترام ويــــاه وشاني....~

السلام عليكم ورحمة الله وبركاته

شحالكم عرب الخيلي عساكم مرتاحين ماتشكون باس:14:

أدري إني طولت ..وطولت وااايد بعد

بس شنسوي الظروف تقهر:sadwalk:

المهم ...حبيت أخبركم عن موقف صار لي حبيته من قلب وصدق استانست عليه:1:

وهو:

اليوم ماداومت وقعدت بالبيت بلا شغله كنت صدق ملانه:dunno: ماعرفت شسوي قلت خلني

أظهر بالحديقة أتمشى ويوم ظهرت دورت نعالي(الله يعزكم )مالقيتهم غريبة :cry:وين راحوا

فكرت أدورهم يمكن منخشات هنيه عند الزرع ويوم كنت أمشي ع العشب

تفاجأت من بين الزرع ذيل أسود بالبدايه خفت:crazy: بس بعدين قلت يمكن قطوة

ويوم تقربت تيبست بمكاني:133: يوم رفع هالكائن الحي راسه كان كلب أسود<<عاااد تعالوا سمعوا دقات قلبي.

احييم يقولون خير وسيلة للدفاع الهروب وجان اخذها شردة لداخل البيت ويوم دخلت

قعدت أراقبه ..تصدقون شو شفت ..كان ماسك في فمه نعالي(الله يعزكم)عصبت وقعدت

أباغم عليه :57:بس هو ولا عليه مسوي طاف شفته يدخل بيت عمي

وفجأة سمعت صوت أمايه:إإإإيييييه شو تسوين هناك واقفه؟

أنا:قاعدة أشوف الكلب ماخذ نعالي معاه(الله يعزكم)

أمايه:هيييه هذا دوم يصبحنا الصبح أنا كم مرة قلت للبشكار يبند الباب عنه بس امرة مايسمع

الرمسه.

كملت:سيري تبعيه وهاتي نعالج عنه(الله يعزكم)

أنا:والللله عقب ماخيسها والله ماطيح ترابي.:74:

وجان طالعني جذا:35:

أنا:زين خلاص بسير أشوفه

طلعت من بيتنا ودخلت بيت عمي<<<هذا الله يسلمكم بينا يدار وباب مفتوح في النص

انزين ويوم دخلت مشيت لين وصلت الزاوية ويوم كنت بلف تفاجأت إلا قولوا انصدمت

كانن نعول (الله يعزكم) بيتنا كلهن مصطفات ومرتبات ومن بينهن نعالي (الله يعزكم) اللي

كانت من شوي في فم الكلب الله يغربله مستوي سراق نعول هههههه

سبحان الله لكل واحد هوايه

بس الغريب تكون هوايتك سراق نعول هذا اللي مايدش العقل.

الوافيه

2010-07-30, 12:15 AM

.
.

*

ول ...!!!:38:

صارت اليوميات مغبره..:84:.صارلها دهور ماتنظفت>>خخخخ شو يخصه الفيس

ماعلينا..

المهم عربانا :51:

مبارك عليكم الشهر الكريم

وعسالله يعوده علينا يميع:f63:

ولي عودة بيوميات جديمه×يديده

تريوني:bye1:

الوافيه

2010-07-31, 05:35 PM

.
.

*

إنت //إنتِ

تقدر تعيش بويهين ...!:ggg:

..صحيح المعنى قاسي...بس هل أقسى من الشخص

اللي يكرهك ويتكلم من وراك.:fehamt:..يعني يبين محبته لك ولاعطيته مقفاك رمس فيك:crit:

ماأدري أحس ساعات بأني شخصيه واثقه من نفسها لكن بعض الأحيان تصير مهزوزه

لمجرد إني أشوف هـ الشخص.:005:..أتحول كائن ثاني.:57:.عدوانيه أعوذ بالله .>>>ربي سامحني:f63:

ياجماعه الخير لاتفهمون غلط...:sadwalk:.أحاول قد ماأقدر ألتزم واطنش حتى وجود هـ الشخص

من حياتي لكن ما باليد حيله...كل مره تطلع رمسات تخليك تنقهر وطلعك من طورك:71_asmilies-com:

قال الله تعالى

"في قلوبهم مرض فزادهم الله مرضاً ولهم عذاب أليم"

أدري وايد تفلسفت..:shiny:.ههههههه ماعلينا الفضفضه تريح النفس والبال:66:

الوافيه

2010-12-11, 05:40 PM

اعذر حبيبك لو يطول غيابه
من طول الغيبات ياب الغنايم

مساء الخير عرب الخيلي:28:

شرايكم بالمثل اللي يقول الفضول قتل العيوز:bleh:
يعني شرايك بنفسك راضي عنها :63:..قنوع لدرجه كبيره:74:
زين لو كانت صفة الفضول فيك كبيرة لدرجة ماتتحملها ومب قادر تتخلص منها:118:
وبنفس الوقت حابب إنها تظل فيك يعني إشباع رغبة لاغير:14:..>>>>مافهمنا عليج
شراح تسوي؟؟:cry:
هذا الله يسلمكم سالفه قديمة صايرة لوحده الله يذكرها بالخير:f63:
ذابحها الفضول.:shiny:.وصايرة مثل الرادار المتحرك بالفريج.:1aa:.ولو تبون الصج
كل الأخبار عندها.:66:.بس مره من المرات كانت فبيتنا وكانت تعبانه:blink: يعني
بالمختصر مزجمه..يحليلها..وكانت قريب تطلع أوين بتروح العيادة..ضحكت بخاطري:21:
يوم طلعنا نوصلها للباب شافت يارتنا تنازع الدريول.:57:.وقعدت الأفكار السودا تحوص براسها:111: وتحوص >>>أستغفر الله
وجان تقول..بروح أسلم عليها يحليلها من يومين ماسلمت عليها
وجان أضحك عليها..:Adobe photoshop 16:هههههههههههه خيبه ياكبرها عند الله ألحين من يومين
ماسلمت عليها.:blink:.مب جنه أمس صافطه موترها جدام بيتهم
جان أقول:زين مابتروحين العيادة:1aa:
ردت عليّ:بسوي طبيخه وبتفوحها وإن شاء الله بغدي بخير:jld:
خييييبه ألحين كل هاا عشان تعرف ليش يارتنا متضاربه مع الدريول:74:
ياناس ياعالم الصحه ثم الصحه ثم الصحه:10:
بس ماعليه مابلومها ترى من الفضول ماقتل هههههههههه
ولا شرايكم ههههههههه:Adobe photoshop 16:

أشوفكم ع خير

فمان الله:bye1: